ММС
Банер за Супер7

Објавено на: 10/17/21 4:36 PM

Изборниот молк ќе продолжи се додека не се затворат сите гласачки места, најавија од ДИК

Изборниот молк наместо до 19 часот, денеска ќе продолжи се додека не се затвори и последното избирачко место.

Претседателот на ДИК, Даштевски, вели дека ова е поради прекините кои во одредени избирачки места се случија поради техничките проблеми со биометриските уреди за отпечаток од прст, па овде гласањето мора да продолжи и после 19 часот.

За потсетување, денеска на многу места се створија гужви, а на последната прес-конференција Даштевски потенцира дека овој проблем тешко се надминува.

– Тоа е така од повеќе причини. Избирачкиот список има повеќе страни бидејќи има рекорден број листи и поради тоа проверката трае повеќе време. Од друга страна преку една третина од отпечатоците кои ги добивме од МВР се со лош квалитет и утврдувањето оди поспоро или не ни може да се утврди па ги оставаме настрана. Исто така и поради ковид-мерките, рече Даштевски.

Сите оние кои поради гужвите се затекнале во избирачките места или пред нив, во дворовите, по 19 часот, ќе имаат можност да го остварат своето право на глас.


Доколку преземете содржина од оваа страница, во целост сте се согласиле со Услови за преземање.

Банер за Супер7
1x1