ММС

Објавено на: 10/13/21 8:25 AM

Парчиња облека кои треба да ги пензионирате – Пет есенски трендови на кои им истекува рокот за употреба

Трендовите доаѓаат и си одат. Покрај класиците што се носат од сезона во сезона, всушност има парчиња кои, ако им верувате на експертите, имаат свој рок на траење. Модните стилисти со тоа издвоија пет есенски трендови што треба да ги оставиме во минатото и да ги замениме со некои нови парчиња.

Се разбира, ова се само мислења, односно предлози, а не строги правила, и секој треба да го земе предвид својот личен стил и да го носи она во кое најдобро се чувствува. Ако сакате темни бои, носете темни бои, ако тренерката ви е омилена, нема причина да ја отфрлите.

Сепак, подолу издвоивме пет есенски трендови кои, според мислењето на стилисти, не треба да ги носиме оваа година.

Треба да ги пензионирате:

Износените маици и тренерки
Модната пандемија се фокусираше на се што е поврзано со спортот, а стилистите велат дека сега светот на модата повторно се движи кон посложениот и дефиниран изглед. Ако ги прашате, тренерките треба да се заменат со кашмир и друга фина трикотажа. Парчињата во кои живеевме изминатата година и половина треба да се пензионираат и да се вратат во „нормалната“ облека, велат стилисти.

Темните бои
Обично на есен, нашата гардероба станува потемна, но оваа година, веруваат стилистите, треба да носиме бои. Светлите бои што го одбележаа летото не треба целосно да се напуштат. Многу бои треба да го означат периодот што следи. Стилистите, исто така, велат дека не треба да ги избегнувате игривите модели и дека треба да изберете светло.

Комплети
Во годината зад нас, многу се носеше, на пример, плетени комплети, кои често ги заменуваа тренерките. Но, како и тренерките, треба да ги оставиме зад себе, велат стилисти за порталот WhoWhatWear. Наместо тоа, одберете плетени елеци, кои се совршено парче за слоевита, забавна облека.

Обичнте хеланки
Стилистите препорачуваат оваа есен да не им оставате толку простор во вашата гардероба на хеланките како што беше случај минатата сезона. Иако се удобни и лесни за комбинирање, постојат, велат тие, и други парчиња кои се подеднакво опуштени и изгледаат одлично. Стилистите, на пример, препорачуваат едноделни парчиња за смели и бестрашни.

Фустани со деколте
Стилистите сметаат дека е време да се пензионираат фустани со различни деколте. Меѓу другото, температурите се спуштаат пониско, така што би можело да бидете ладно во нив, дури и со јакна. Наместо тоа, изберете макси фустани. И тие се голем летен тренд кој им ласка на сите облици на тело, но советот на стилистката е да додадете преголем џемпер и чизми во вашиот омилен макси фустан и ќе добиете совршена и удобна комбинација.

Преземено од: https://zadovoljna.dnevnik.hr/


Доколку преземете содржина од оваа страница, во целост сте се согласиле со Услови за преземање.

1x1