ММС

Објавено на: 10/12/21 1:46 PM

„Тиквеш“ и годинава откупи најмногу грозје и по повисоки цени од просечните

Комерцијален текст

Анализата на податоците од годинешниот откуп покажуваат дека винарската визба „Тиквеш“ и оваа година откупи најголема количина грозје, по повисоки цени во однос на просечните цени за вкупната реколта. Од 92 милиона килограми грозје, колку што вкупно се откупени оваа година, „Тиквеш“, со откупени 25 милиони килограми, што е повеќе од 25% од вкупниот откуп, има најголемо учество во однос на останатите откупувачи. При тоа, просечна цена за вкупната количина грозје откупена од „Тиквеш“ изнесува 13,4 денари за килограм и е повисока од просечната цена од 11,9 денари што ја постигнале сите винарници заедно.
Според податоците, „Тиквеш“ постигнал и највисоки просечни цени за сортите Вранец и Смедеревка, кои традиционално имаат најголемо учество во откупот. Конкретно, „Тиквеш“ за откупениот Вранец постигнал просечна цена од 13,6 денари, при што просечната цена на Вранецот наменет за производство на квалитетни црвени вина достигнал 14 денари за килограм, а за производство на розе вина – 12,7 денари за килограм. Тоа е повисоко од просечната цена за ова сорта што ја постигнале сите винарници заедно, а која изнесува 11,8 денари. Слична е и ситуацијата кај откупот на Смедеревката, каде „Тиквеш“ постигнал просечна цена од 11 денари за килограм, што е за еден денар повисоко од вкупната постигната просечна цена за откупената смедеревка.
За откупеното грозје од другите сорти, „Тиквеш“ постигнал просечни цени од 16,5 денари за килограм откупено грозје од сортата Ризлинг, 16,4 денари за Шардоне, 16,1 денари за Рајнски Рризлинг, по 17 денари за сортите Мерло и Каберне Совињон и 19,7 денари во просек за откупеното грозје од сортата Темјаника. Тие во просек се повисоки, некаде и неколкукратно, во однос на вкупните просечни цени за годинешниот откуп.
„Ваквите податоци се најдобриот показател и доказ дека „Тиквеш“ ги исполнува ветувањата кон своите партнери – лозарите. Оние што ги почитуваа и се раководеа според утврдените параметри за квалитет на грозјето беа наградени со многу повисоки цени, што секако е посакуван резултат кон кој треба да се стремат сите“, изјави претседателот на Управниот одбор на „Тиквеш“, Светозар Јаневски.
Тој додаде дека, како општествено одговорна компанија „Тиквеш“ и понатаму ќе продолжи доследно да ги почитува сите преземени договорни обврски кон лозарите, но со право го очекува истото и од нив. „Истовремено, и понатаму ќе продолжиме да инсистираме во Министерството за земјоделство, во Владата и кај останатите релевантни чинители, да се воведат светски стандарди во лозарството и винарството во Македонија, што значи и воспоставување систем за поддршка на развојот на овие гранки кој нема да зависи од политиката и интересите на поединци, туку исклучиво од пазарните механизми. Само така ќе можеме да бидеме конкурентни на светските пазари и на вистински начин да ја промовираме земјата како производител на висококвалитетно вино“, дециден е Јаневски.


Доколку преземете содржина од оваа страница, во целост сте се согласиле со Услови за преземање.

1x1