ММС

Објавено на: 10/12/21 10:05 AM

Десет години затвор и 50.000 евра казна за марихуана – Македонец осуден во Бугарија

Судот во Ќустендил осуди македонски државјанин на десет години затвор и казна од 100.000 лева (50.000 евра) за транспорт на голема количина марихуана преку границата со Бугарија, објави бугарското радио Дарик. Тричлениот судски совет го осуди лицето со почетен „строг“ режим на издржување десетгодишна затворска и парична казна.
Согласно Законот за контрола на наркотични супстанции и прекурзори, Судот во Ќустендил го прогласи за виновен, бидејќи на 28 март 2021 година во областа на граничниот премин Ѓушево во автомобилот пренесувал марихуана спакувана во 17 пакувања, со тежина од 4.260 килограми, во вкупна вредност од 17.040 лева (8.500 евра).
Од 30 март, до стапување во сила на казната, судот го одзеде времето во кое на обвинетиот му беше одредена мерка притвор и во корист на државата, го конфискува автомобилот што се користел за транспорт на наркотична супстанција со висок ризик.
Обвинетиот се изјасни за невин, а неговиот адвокат се изјасни за ослободителна пресуда. Заменик-окружниот обвинител на Ќустендил, Ивајло Илиев побара пресуда и казна близу просечната сума за ова дело – „затвор“ во траење од 12 ипол години и парична казна од 150.000 лева (75.000 евра). Казната може да се намали во рок од 15 дена.
(МИА)


Доколку преземете содржина од оваа страница, во целост сте се согласиле со Услови за преземање.

1x1