ММС

Објавено на: 10/9/21 3:13 PM

Ако има ценовен шок ќе ги замрзнеме цените на основните производи, нема да има злоупотреба од маркетите, вели Бектеши

Имаме повеќе механизми во случај на ценовните шокови кои се најавуваат, посочи министерот за Економија Крешник Бектеши при посетата на Тетово. Еден од нив е да се пуштат дел од државните стокови резерви, но и можат да се донесат и некои одлуку за замрзнување на одредени цени, како во однос на увоз на суровини и репроматеријали, така и во делот на тоа што се произведува и продава тука.

-Кога зборуваме за замрзнување на цени, зборуваме и за цени на тие производи од домашно производство, но и на тие увезени, а кај маркетите имаме рамка законска, да не можат да се злоупотребат  и да продаваат производи поскапи, од тоа што државата го утврдила согласно законот и нормално ќе има контрола. И за време на пандемијата, ние и претходно први донесовме такви одлуки за основните производи, а во моментов разговараме со стопанските комори за овој проблем. Но имаме и други мерки поврзани со најавениот ценовен шок, кои на пример се поврзани со плаќање на давачки на царина или интервенции во буџетот, со ослободување од различни такси и слично. Ги следиме случувањата и на увозните цени и на тие прозводи што тука се произведуваат, ако е потребно ќе интервенираме, рече Министерот за Економија Крешник Бектеши

Тој денеска оствари средба со градоначалничката на Тетово Теута Арифи, со која посетија повеќе фирми во тетовско. Кажа дека полошкиот регион е позитивно дискриминиран, оти кој сака тука да инвестира ќе си добие поголема помош од останатите региони, а како пример го зеде скопскиот.

-По предлог на актуелната градоначалничка Арифи, направивме промена на законот во делот на финансиска подршка за инвестициите, каде полошкиот регион е на некој начин позитивно дискриминиран. Само еден пластичен пример, ако една компанија одлучи да инвестира во скопскиот регион , а не инвестира во полошко, нема да добие голема помош согласно законот за инвестиции. Во полошко речиси двојно е поголема помошта за инвестиции, а целта е тука да се зголемат инвестициите, за да се креираат работни места и да имамем рамномерен регионален развој, рече Бектеши.

Тој  се пофали дека со зголемувањето на минималната плата, ќе се ублажи економската состојба погодена од пандемијата, оти тоа ќе придонесе да се зголемат и сите други плати, а со тоа и рамнотежа со поскапените цени на основните продукти.

З.Д.


Доколку преземете содржина од оваа страница, во целост сте се согласиле со Услови за преземање.

1x1