ММС

Објавено на: 10/6/21 12:11 PM

Се подготвува шеста трансплантација на органи од млада пациентка со мозочна смрт, информираше Филипче

-Денеска во раните утрински часови започаа координативни состаноци за подготовка за отпочнување на шестата по ред трансплантација од починат донор, информираше министерот за здравство, Венко Филипче.
Во текот на вчерашниот ден болничките координатори од КАРИЛ дијагностицирале млада пациентка со мозочна смрт и по долги разговори со семејството одлучиле да ги донираат органите. -Благодарение на нивната хуманост денес еден пациент ќе добие срце и шанса за нов живот. Уште една млада пациентка се подготвува да прими бубрег. Станува збор за исклучително тешки операции, на моите колеги им посакувам многу успех во работата. Дополнително од донорот ќе бидат експлантирани и коскени ткива. Голема благодарност до семејството за нивниот хуман гест. Да се мисли да се спаси туѓ живот во моменти кога се губи животот на најблискиот е храброст и човечност кои немаат цена, рече Филипче.

Доколку преземете содржина од оваа страница, во целост сте се согласиле со Услови за преземање.

1x1