ММС

Објавено на: 10/4/21 7:16 PM

Починаа 12 лица во последните 24 часа, регистрирани нови 185 случаи со Ковид-19

Министерството за здравство согласно податоците од Институтот за јавно здравје информира дека во последните 24 часа се регистрирани нови 185 случаи на КОВИД-19 од 1876 тестирања. Оздравени се 523 пациенти, починати се 12 во изминатото деноноќие и дополнително тројца во периодот 29 септември – 3 октомври 2021.

Од новодијагностицираните позитивни на коронавирус, 99 се од Скопје,  Велес и Кочани имаат по 14, Кавадарци – 12, Штип – 11, Свети Николе – осум, Куманово – шест нови случаи, Охрид – пет, Струмица – четири, Прилеп, Виница и Пробиштип имаат по два нови, а Гостивар, Гевгелија, Радовиш, Крива Паланка, Кратово и Богданци по еден нов случај.

Во текот на изминатите 24 часа починале 12 лица: пет се од Скопје (53г, 75г, 79г, 79г, и 79г), по едно починато лице од Куманово (73г), Кочани (90г), Велес (83г), Прилеп  (70г), Свети Николе (63г), Охрид (78г)  и Крива Паланка (79г). Сите пријавени лица се починати во болнички услови.

Дополнително, согласно Регистарот на умрени лица со дијагноза КОВИД-19 од Мој Термин, пријавени се уште три починати лица, со датум на смрт од 29 септември до 3 октомври 2021 година. Починатите лица се по едно лице од Скопје, Струмица и Гевгелија, на возраст од 69 до 86 години. Од пријавените лица еден е  починат во болнички услови а две лица починале во домашни услови.

Регистрирани сe 523 оздравени пациенти – од: Скопје – 153, Охрид – 98, Струга – 73, Куманово – 28, Кочани – 19, Велес и Штип – по 18, Тетово – 17, Кичево – 14, Кавадарци – 13, Битола – 12, Струмица – 10, Свети Николе – седум, Прилеп, Гостивар и Крива Паланка имаат по пет оздравени, Пробиштип, Берово и Валандово по четири, Виница, Гевгелија, Радовиш и Кратово по тројца оздравени и Неготино, Ресен, Дебар и Делчево по еден.


Доколку преземете содржина од оваа страница, во целост сте се согласиле со Услови за преземање.

1x1