ММС

Објавено на: 09/23/21 1:01 PM

ЕК подготвува закон за универзален полнач за електрични уреди

За само неколку дена, би можеле да добиеме предлог закон што ќе наметне единствен стандард за полнење мали електронски уреди и ќе забрани продажба на полначи со мобилни телефони. Европската комисија во на  24 септември, ќе го претстави предлогот со која се предвидува воведување универзален полнач за електронски уреди.

Исто така, би било забрането да се продаваат полначи во пакет со уреди во Европската унија, пишува tportal.

Целта е да се намали генерирањето електронски отпад, особено оној поврзан со паметни телефони, таблети, слушалки, камери и звучници.

Засега не е јасно зошто, но се чини дека истите правила нема да важат за е-читачите и безжичните полначи, пишува Tech Radar. USB-C може да се предложи како заеднички стандард, кој во 2018 година беше инсталиран во нешто помалку од една третина од сите паметни телефони продадени во Европската унија.

Комисијата се надева дека, по јавна расправа и законодавна постапка, новиот закон ќе стапи на сила во 2024 година. Неизвесно е како тоа всушност ќе се случи, но ова е важен прв чекор кон постигнување на таа цел.

На крајот на јануари 2020 година, Европскиот парламент донесе резолуција со која се бара воведување универзален полнач за мобилни телефони и мали електронски уреди.

Производителите на уреди се противат на овие напори, кои беа присутни во различни форми во Унијата повеќе од една деценија. Најгласниот меѓу нив е Apple, кој заедно со iPhone и другите уреди продава сопствен конектор и слот за полнење Lightning.

Преземено од: https://hr.n1info.com/

 


Доколку преземете содржина од оваа страница, во целост сте се согласиле со Услови за преземање.

1x1