ММС

Објавено на: 09/21/21 9:26 AM

Рекорден број апсења поради објави на Интернет, објави Фридом Хаус

Бројот на земји каде што корисници на Интернет биле уапсени и малтретирани поради нивни објави достигна рекорд помеѓу јуни 2020 година и мај 2021 година, покажа извештај на Фридом Хаус објавен денеска.

Дигиталните права паѓаат во светот 11-та година по ред, соопшти американската невладина организација.

Извештајот го оценува нивото на слобода на Интернет во различни земји, особено земајќи ги предвид ограничувањата за пристап или обидите за манипулација со интернет дебатите.

– Оваа година, корисниците на Интернет се соочија со физички напади како одмазда за нивните онлајн активности во 41 земја, се вели во извештајот.

Вкупно 20 земји го блокирале пристапот на нивните граѓани до интернет за една година.

Во текот на набљудуваниот период, ситуациите во Мјанмар и Белорусија се истакнуваат во негативен контекст, каде што имаше прекини на електричната енергија со цел да се блокира Интернетот.

Интернет-правата најмалку се прекршуваат во Исланд, кој е пред Естонија и Костарика.

Кина сè уште е на прво место меѓу земјите што манипулираат со Интернет поради цензура, борба против анонимноста онлајн и затворање на неистомисленици кои се активни на Интернет.

МИА


Доколку преземете содржина од оваа страница, во целост сте се согласиле со Услови за преземање.

1x1