ММС

Објавено на: 09/17/21 2:24 PM

Опстанокот на земјава 30 години со маки и борби е гаранција дека ќе не има во следните 100 години, смета Љупчо Георгиевски

Поранешниот премиер и претседател на ВМРО-ДПМНЕ Љупчо Георгиевски смета дека опстанокот на земјава 30 години со маки и борби е гаранција дека ќе не има во следните 100 години.

-Забораваме колку беше тежок периодот на отцепувањето, при распадот Македонија и не беше некој фактор, но најверојатно доволно добро го искористи тоа за да ја оствари својата цел, бидејќи целта е најважна, а тоа е Македонија да биде самостојна и независна држава. Ако не беше контекстот на распадот на комунистичкиот блок и со тоа распадот на поранешна Југославија нема да ја имавме независна Македонија, рече на трибината Георгиевски кој сега е претседател на ВМРО-НП.

Порано, нагласува тој, кога бил млад тврдел дека зо земјава имало многу малку енергија за  самостојна Македонија, но сега кога ги гледа резултатите и случувањата уште во периодот на формирањето на Југославија и за време на распадот, свесен е дека во таа генерација постоел реален страв кој треба да се калкулира, а бил резултат на репресиите на системот.

На денешната трибина учествуваат и првиот претседател на македонското Собрание Стојан Андов, поранешниот премиер Љубчо Георгиевски, како и Васил Тупурковски, Љубомир Фрчкоски, Ѓулистана Марковска, Насер Зибери, Џевдет Хајредини, Мухамед Халили и Денко Малески.

Целта на трибината е преку сеќавања, опсервации и размислувања да се сумираат научените лекции од соочувањето со предизвиците во деновите кога се подготвувал референдумот за прогласување за прогласување независност.

 

МИА

 

 

 


Доколку преземете содржина од оваа страница, во целост сте се согласиле со Услови за преземање.

1x1