ММС

Објавено на: 09/9/21 4:08 PM

Ова се тажни денови – „Охрид фест 2021“ ќе се одржи без публика и новинари

Поради синоќешната трагедија која се случи во Тетово, фестивалот „Охрид фест 2021“ оваа година ќе се снима без публика, без новинари и без доделување на награди.

-Советот на фестивалот „Охрид фест 2021“ упатува најдлабоко сочувство до семејствата на починатите по трагедијата во Тетово. Сочувствуваме со нивната болка. Бидејќи фестивалот требаше да се одржи на 10 и 11 септември, се одлучивме истиот да се снима, без присуство на публика, без новинари и без доделување награди. Ќе се искористи само сцената на Долни Сарај, нема да има озвучување, а по договор со МРТ, ќе се емитува по деновите на жалост. Ова е единствено решение во овие тажни денови, бидејќи изведувачите од целиот Балкан се пристигнати, известуваат од Советот на фестивалот „Охрид фест“.

 

 


Доколку преземете содржина од оваа страница, во целост сте се согласиле со Услови за преземање.

1x1