ММС

Објавено на: 09/9/21 8:38 AM

Вучиќ: Граѓаните на Македонија не се сами во оваа трагедија, ќе дадеме братска помош

Претседателот на Република Србија, Александар Вучиќ, денеска телефонски разговараше со премиерот на Република Северна Македонија, Зоран Заев, и, по повод пожарот во болницата во Тетово, во име на сите српски граѓани изрази сочувство до семејствата на жртвите, јави дописникот на МИА од Белград.

-Граѓаните на Србија се во болка заедно со луѓето во Тетово. Подготвени сме да пружиме секаква братска помош, бидејќи граѓаните на Македонија не се сами во оваа трагедија, потенцираше Вучиќ во телефонскиот разговор со премиерот Заев, соопштија од прес – службата на српскиот претседател.

Тој на повредените им посака брзо и успешно закрепнување. Речиси сите српски медиуми од синоќа и денес ја информираат српската јавност за големата трагедија со пожарот во Ковид болницата во Тетово.


Доколку преземете содржина од оваа страница, во целост сте се согласиле со Услови за преземање.

1x1