ММС

Објавено на: 09/3/21 4:12 PM

Кучето Дарио малтретирано и заловено од скопските улици од денес го живее американскиот сон

Заловено од скопските улица, во населбата Новоселски пат, со трајно оштетување на окото и малтретирано од локалните жители, Дарио од денеска го живее американскиот сон, соопштија од ЈП „Лајка”.

По повеќе од три месеци поминати во „Лајка” и по долга и напорна работа, Дарио на 2 септември 2021 година се збогуваше со вработените, подготвен за патот од 16 часа, преку Виена до Чикаго.

– Дарио, кој има две години, е првото куче од „Лајка” што патува надвор од земјава и се вдомува прекуокеански, согласно сите законски процедури за транспорт на кучиња. Тој сега ужива кај новото семејство, носејќи го околу вратот плочка на која пишува „Дарио – те сака Лајка”, за никогаш да не заборави со каква љубов беше чуван сите овие месеци, соопштија од „Лајка”

Се надеваме, дека во иднина многу други кучиња заловени од скопските улици ќе ја доживеат неговата судбина и ќе најдат дом надвор од границите на државата, велат од Лајка.

Извор: ЈП Лајка Скопје, Фејсбук


Доколку преземете содржина од оваа страница, во целост сте се согласиле со Услови за преземање.

1x1