ММС

Објавено на: 09/2/21 1:42 PM

Денеска Зоран Заев потврди дека не сум се самоисклучил – Максим Димитриевски реагира на изјавата на првиот човек на СДСМ

„Денешниот став на претседателот на СДСМ, Зоран Заев дека ќе бидам исклучен на следната седница на Централниот одбор на партијата докажува дека вчерашниот став на секретарот Николовски дека сум се самоисклучил не е вистина, и го потврдува мојот став дека формално правно сум сеуште член на СДСМ“, вели Максим Димитриевски во својата реакција на денешната изјава на претседателот на СДСМ, Зоран Заев.

Тој смета дека вистинските социјалдемократи секогаш ја говорат вистината и не се служат со манипулации и инсинуации и прашува како однапред раководството на партијата можело да ги предвиди одлуките на Централниот одбор пред тие да бидат донесени.

“Дали за ваква внатрепартиска демократија се боревме? Јас нема да дозволам во моето општествено делување демократијата да биде само формална, туку така ќе биде практикувана и во реалност. Како и да се произнесат партиските органи, јас по убедување бев, сум и ќе бидам социјалдемократ и тврдам дека евентуалната одлука за исклучување е плод на желбите и суетите на поединци на раководството на СДСМ. Како инаку би го објасниле фактот дека стотици членови, активисти и симпатизери ја потпишаа граѓанската иницијатива за моја кандидатура. Зарем и нив ќе ги исклучат? Во едно се сложуваме со господинот Заев. Кумановчани знаат што е најдобро за нив, и сигурен сум дека на 17 октомври тоа јасно ќе го покажат поддржувајќи ја граѓанската иницијатива “За Наше Куманово” со имплементирање на реална демократија во пракса“, стои во соопштението.


Доколку преземете содржина од оваа страница, во целост сте се согласиле со Услови за преземање.

1x1