ММС

Објавено на: 08/30/21 6:27 PM

МНР со осуда за оштетата на јарболот и отстранувањето на знамето на Република Бугарија во Битола

Министерството за надворешни работи на Република Северна Македонија најостро го осудува оштетувањето на јарболот и отстранувањето на знамето на Република Бугарија на Трговско-економското претставништво при Генералниот конзулат на Република Бугарија во Битола.

Овој вандалски и неодговорен акт на некој поединец, чиј идентитет ќе биде предмет на разгледување од страна на надлежните органи, во никој случај не треба да се поистоветува со населението на овој традиционално конзулски и космополитски град, реагираат од Министерството за надворешни работи.

Оттаму нагласуваат дека ваквите изолирани и неконтролирани однесувања не придонесуваат во напорите за продлабочување на пријателството, добрососедството и соработката меѓу двете држави, како и заедничките напори за напредок во нашите заложби за понатамошна интеграција во Европската унија.


Доколку преземете содржина од оваа страница, во целост сте се согласиле со Услови за преземање.

1x1