ММС

Објавено на: 08/25/21 12:15 PM

(ВИДЕО) Валтер Таварес „закуца“ и ја искрши таблата

Центарот на Реал Мадрид, Валтер „Еди“ Таварес, во победата на Зеленортските острови над Ангола на Афробаскетот, манифестираше моќ и при забивањето ја искрши таблата од кошот.

На една минута до завршување на мечот и при резултат 66:64 за селекцијата на Ангола, Таварес се избори за топка во рекетот и со две раце „закуца“, повлекувајќи го обрачот надолу. Силниот печат на некогашниот НБА кошаркар не го издржа стаклото на таблата. На „прва“, ова изгледаше атрактивно и моќно, додека пак после второто гледање се поставува прашањето „дали мораше да го направи ова?“

По продолженијата неговата репрезeнтација оствари победа од 77:71 над Ангола, а Таварес беше неприкосновен на паркетот со дабл-дабл учинок и 20 постигнати поени и 18 скокови.

 

 Фото:

Twitter / @GIGANTESBasket / Screenshot


Доколку преземете содржина од оваа страница, во целост сте се согласиле со Услови за преземање.

1x1