(ВИДЕО) Елмас после погодокот со Венеција: Можеме да постигнеме многу под водство на Спалети
ММС
Банер за Супер7

Објавено на: 08/23/21 9:22 AM

(ВИДЕО) Елмас после погодокот со Венеција: Можеме да постигнеме многу под водство на Спалети

Екипата од југот на Италија во воведното коло од новата сезона во Сериа А, на домашен терен успеа да ја совлада новајлијата Венеција со 2:0, a македонскиот фудбалски репрезентативец, Елиф Елмас, се најде на листата на стрелците за тимот на Наполи.

Наполитанците не стартуваа добро и веќе во раната фаза од дуелот, рекордното засилување Виктор Осимен заработи директно исклучување од игра, па така „светлосините“ останаа со играч помалку. Сепак, тоа не им сметаше на Лоренцо Инсиње и „македонскиот дијамант“ со погодоците во второто полувреме му донесат посакуваните три бода на предводникот Лучијано Спалети.

Во 35-тата минута Спалети го замени Пиотр Зиелински со нашиот репрезентативец и тоа се покажа како вистински потег на италијанскиот стратег.

Токму за него во интервјуто за клупскиот веб-сајт зборуваше играчот за врска на Наполи и Македонија, велејќи дека со него клубот може да постигне многу, искористувајќи ја приликата и да му се заблагодари за укажаната доверба, нешто што не беше чест случај со претходниот тренер, Џенаро Гатузо.

-Беше големо задоволство да се постигне гол пред фановите во воведниот меч. Победа во вакви околности значи дека сме добар тим. Докажавме дека и со 10 играчи можеме да извлечеме добар резултат. Многу сум среќен што постигнав гол и му благодарам на господинот Спалети за довербата што ми ја укажа и што ми ја дава уште од неговото доаѓање овде. Верувам дека нашата сила е и тренерот и со него и под негово водство, можеме да оствариме големи нешта, изјави Елиф Елмас.

Наполи следното коло му гостува на Џенова во судир на старата и новата генерација македонски фудбалери, Пандев-Елмас. По интернационалната пауза, Наполи ќе се соочи со вицешампионот Јувентус.

 

 

[д.ј.]

Фото:

Twitter


Доколку преземете содржина од оваа страница, во целост сте се согласиле со Услови за преземање.

Банер за Супер7