ММС

Објавено на: 08/20/21 4:31 PM

Цунами од Ковид-19 во гостиварско

Не се работи за четврти бран од КОВИД-19 во гостиварско туку за цунами, велат од инфективното одделение при Општата болница во Гостивар. Оттаму велат дека слободни места за лекување има се помалку, потребна е помош од скопските клиники.

Моментално има 103 хоспитализирани во одделенијата каде се лекуваат ковид болни при општата болница во Гостивар. Речиси сите имаат тешка клиничка слика и се на кислородна подршка. За изминатово деноноќие починале четири пациенти.

Коронавирусот коси во гостиварско пред се поради непочитувањето на мерките, но и големиот број свадби и веселби.

Владата треба да размисли и да воведе некои дополнителни мерки во полошкиот регион, каде има најголем број на хоспитализирани и активни случаи, сметаат здравствените работници.

 

 

Зоран Димовски


Доколку преземете содржина од оваа страница, во целост сте се согласиле со Услови за преземање.

1x1