ММС

Објавено на: 08/19/21 7:52 PM

Идентичните близнаци Крег вечерва дебитираат за Тотенхем против Пакос Фереира

Метју и Мајкл Крег, двајцата идентични близнаци во тимот на англиски Тотенхем, вечерва ќе направат историја и за првпат ќе се најдат во поширокиот состав на Нуно Еспирито Санто во плејоф дуелот со Пакос Ферира од Лигата на конференции на УЕФА.

Родени на 16-ти април, 2003 година, две минути еден по друг, осумнаесетгодишните Метју и Мајкл уште од рана возраст тренираат во академијата на Тотенхем, а при крајот на ланската сезоната потпишаа професионални договори со клубот од северен Лондон.

Покрај тоа што се идентични физички, браќата играат и на идентична позација – централно во средниот ред, иако Метју Крег по потреба може да ја покрие и централната позиција во одбраната.

-Уживам тоа што играм заедно со брат ми. Среќен сум бидејќи имам со кого и да зборувам првенствено. Имам и со кого да правам работи, кому да се обратам, изјавил Метју за клупскиот веб-сајт на Тотенхем.

Во зависност од резултатот во Португалија, близнаците би можеле да добијат и комплетно деби веќе на реваншот во Лондон идната недела. Доколку Тотенхем обезбеди уверлива победа, тогаш Метју и Мајкл Крег ќе ги види фудбалскиот свет и надежно ќе ги распознае за седум дена.

Во машката секција на Тотенхем, ова е прв случај во историјата двајца идентични близанци да носат ист дрес во натпреварувачка кампања.

 

Фото:

Twitter


Доколку преземете содржина од оваа страница, во целост сте се согласиле со Услови за преземање.

1x1