ММС

Објавено на: 08/6/21 3:41 PM

Нема остатоци кои укажуваат на опожарено лице, увидот во опожарената куќа во Старо Нагоричане е завршен

Извршен е детален увид на местото на опожарената куќа во Челопек, Старо Нагоричане, не се пронајдени остатоци кои укажуваат на опожарено лице и распишана е потрага, информираа денеска надлежните од МВР.

– Министерството за внатрешни работи согласно законските прописи постапува по насока на Јавен обвинител, па во координација со Јавен обвинител од Основно јавно обвинителство Куманово, полициски службеници извршија детален увид на местото на опожарената куќа во Старо Нагоричане. Откако не се пронајдени остатоци кои укажуваат на опожарено лице, распишана е потрага по лицето, по која веќе се постапува од страна на отсекот за потраги, соопштија од МВР.

Инаку, во текот на вчерашниот ден на терен со машина од комуналното претпријатие темелно се расчистуваше просторот околу куќата која претходно, со уште две соседни беше зафатена од пожар во Челопек, Старо Нагоричане.

 

 

МИА


Доколку преземете содржина од оваа страница, во целост сте се согласиле со Услови за преземање.

1x1