ММС

Објавено на: 07/21/21 3:44 PM

Научниците предупредуваат: Катастрофалните поплави како оние во Европа ќе бидат почести и се поразорни

Катастрофалните поплави, како што неодамна ја погодија Европа, може да станат почести поради глобалното затоплување, предупредуваат експертите.

Податоците добиени преку компјутерски модел со висока резолуција покажаа дека бавните бури може да станат 14 пати почести до крајот на векот.

Колку е помало невремето, толку повеќе дождови паѓаат на мала област и постои опасност од сериозни поплави.

Бурите, предвидени во новата студија, се движат уште побавно од оние што донесоа поплави во Германија, Холандија и околните земји.

„Симулацијата ни покажа дека ситуацијата може да биде уште полоша“, рече водачот на студијата Абдула Караман од Универзитетот Њукасл.

Научниците веруваат дека затоплувањето на Северниот пол е причина за забавување на временските системи, забавување на ветровите и струите.

Тој феномен веќе е поврзан со жешки бранови во Русија и поплавите во Пакистан.

Исто така и интензитетот и обемот на поплавите во Западна Европа, во кои загинаа скоро 200 лица, ги шокираше климатските научници кои не очекуваа дека рекордите ќе бидат соборени толку брзо и на толку голема површина.

„Треба да ја забрзаме борбата против климатските промени“, рече германската канцеларка Ангела Меркел кога ги посети поплавените подрачја.

Многу климатски научници се согласуваат со тоа и предупредуваат дека глобалното затоплување ќе ги направи екстремните временски непогоди почести и поинтензивни.

Извор и фото: Курир.рс


Доколку преземете содржина од оваа страница, во целост сте се согласиле со Услови за преземање.

1x1