ММС

Објавено на: 07/21/21 8:26 AM

Полицијата ќе гази во италијански чевли – МВР ги поднови службениците

По само неколку дена од информацијата на вработени во МВР дека меѓу себе си ја препродаваат износената опрема, денес пристигна соопштение за набавка на нова. МВР информираше дека во насока на реализација на стратешките активности за континуирано подобрување на материјално-теничките услови за работа на полициските служби постојано набавува униформи и друга опрема за полициските службеници. Полицајците ќе газат на италијански чевли, а наскоро се очекува да пристигнат и нови флуоресцентни елеци, маици, виндјакни и кошули.

-Деновиве, во магацинот на МВР пристигнаа 8.000 пара чевли со тенок ѓон од италијанскиот производите „Гриспорт“, фабрика што инаку ги снабдува и полициите на повеќе земји од ЕУ. Вкупната вредност на набавката на чевлите со тенок ѓон изнесува 25.520.000 денари без ДДВ.
Покрај ова, Министерството за внатрешни работи преку италијанскиот „Гриспорт“ реализира набавка и на 10.000 пара чевли со дебел ѓон, а вкупната вредност на набавката изнесува 37.000.000 денари без ДДВ, како и 10.000 пара полувисоки чевли, набавени преку производителот „Дермал“ од БиХ, со вкупна вредност на набавката од 42.800.000 денари без ДДВ. Испораката на оваа опрема се очекува да биде реализирана во наредниот период. Наскоро се очекува испораката и на 2330 флуоросцентни елеци, 8000 маици, 8000 виндјакни, 20000 кошули.., информираат од МВР.

Нови униформи, велат од МВР, пред неколку месеци добија Единицата за брзо распоредување, Единицата за обука и поддршка и Интервентната полиција, а во изминатиот период беа обезбедени пловни објекти и мотоциклистичка опрема за полицијата.
-Министерството за внатрешни работи продолжува со континуираните набавки на униформи и опрема за полициските службеници и во наредниот период, а продолжуваме и со реконструкција односно реновирање на полициските станици, за да се овозможат подобри услови за работа. Досега се реновирани 56 енергетски ефикасни објекти, а деновиве ќе бидат промовирани реновираните објекти во општина Ранковце и Старо Нагоричане, информираат од МВР.
Министерството за внатрешни работи продолжува со силна мотивираност да ги гради севкупните капацитети на институцијата и да создава модерна, опремена и стручна полиција, бидејќи само така ќе се придонесе за уште подобри резултати во работењето, во полза на сите граѓани на Република Северна Македонија.


Доколку преземете содржина од оваа страница, во целост сте се согласиле со Услови за преземање.

1x1