ММС

Објавено на: 07/20/21 10:29 AM

Пријавил дека бил тепан, па го истепал полицаецот кој дошол на неговиот повик

Полицајци од полициската станица Кавадарци го лишиле од слобода 32-годишниот кавадарчанец Х.В., затоа што физички нападнал полицаец кој извршувал службени дејствија, информираше денеска портпаролот на СВР Велес, Верољуб Додевски.

– Тој бил лишен од слобода рано изутринава во 01.40 часот на улицата „7-ми Септември” во Кавадарци. По целосно документирање на случајот, против него ќе биде поднесена соодветна пријава, појасни Додевски.

Претходно, во 00.40 часот во ОВР Кавадарци, Х.В. пријавил дека во казино во градот  бил физички нападнат од неколку лица. Се преземаат мерки за расчистување на случајот.

МИА


Доколку преземете содржина од оваа страница, во целост сте се согласиле со Услови за преземање.

1x1