ММС

Објавено на: 07/19/21 11:44 AM

Место да гледам ТВ и да паѓам во депресија, одлучив да правам музика – Концерт на Влатко Стефановски на Антички

По успешната мини турнеја на Триото на Влатко Стефановски во Хрватска и Словенија, и македонската публика ќе ја има можноста да ужива во звуците на нашиот најголем гитарски виртуоз. На 5 август, на Антички Театар во Охрид, со почеток во 21:00 часот, Влатко Стефановски заедно со извонредниот басист Иван Кукиќ  и младиот талентиран тапанар Јан Стефановски ќе одржат целовечерен концерт.

Покрај добро познатите композиции на Стефановски публиката ќе има ексклузивна можност да го слушне материјалот од најновиот албум „Тафталиџе Шафл„ кој Влатко го издаде минатата година. Албумот „Тафталиџе Шафл„, издаден за Кроација Рекордс на ЦД и винил, се најде на врвот на официјалната листа на продажба на албуми во Хрватска.

„Наместо да гледам ТВ и да паѓам во депресија, се одлучив да правам музика и многу сум задоволен од резултатот. Се радувам дека повторно ќе се дружиме со македонската публика. Време е да се вратиме на старите задоволства и да уживаме!„ – вели Влатко Стефановски во пресрет на охридскиот концерт.

Концертот е во организација на Баги Комуникации и од таму најавуваат дека ќе биде организиран според важечките протоколи за заштита од Ковид 19 и целосно безбеден за публиката.


 


Доколку преземете содржина од оваа страница, во целост сте се согласиле со Услови за преземање.

1x1