ММС

Објавено на: 07/17/21 6:15 PM

Раул Хименез се врати на терените после тешката повреда

Во ноември 2020 година, на дуелот од Премиер Лигата одигран на „Емирати“ помеѓу Арсенал и Волвс, мексиканскиот напаѓач заработи тешка повреда на главата која можеше не само да го оддалечи од фудбалот, туку и да биде кобна за неговиот живот.

Успешната операција малку им внесе позитивност на луѓето од неговиот клуб дека екс-играчот на Атлетико Мадрид и Бенфика еден ден повторно ќе се врати на терените.

И тоа се случи денес, на пријателскиот меч против Кру, кој Волвс го загуби со 1:0. Раул Хименез во дуелот се задржа 34 минути, а потоа беше заменет од италијанскиот шпиц Патрик Кутроне. Мексиканскиот репрезентативец на лесни индивидуални тренинзи се врати уште во март годинава и беше во постојана комуникација со клупските лекари.

Пред две сезони, Хименез беше убедливо најдобриот поединец на „волците“, постигнувајќи 27 погодоци за тимот од „Молињу“.

 

 

Фото:

Twitter /@brfootball

 


Доколку преземете содржина од оваа страница, во целост сте се согласиле со Услови за преземање.

1x1