ММС

Објавено на: 07/17/21 10:03 AM

Се затвора регионалниот пункт за вакцинирање во Охрид

Спортската сала „Билјанини извори” во Охрид од понеделник повторно ќе им биде на располагање на спортистите, за кога е предвидено затворање на овој регионален центар за имунизација на населението. Изминатите 75 дена во салата се вршеше масовна имунизација на населението од Охрид, Струга, Дебар, Кичево, Дебрца и Ресен и беа вакцинирани над 58 илјади лица.

Во салата сега се врши само ревакцинација на граѓаните односно се имунизираат лицата со втора доза од вакцините, додека процесот на имунизација на граѓаните ќе се спроведува на локално ниво, во здравствените установи низ градовите, како и со мобилни екипи што ќе вршат вакцинирање на терен.

Комплетното опремување и оддржување на регионалниот вакцинален пункт во Охрид го спроведе „СОС БАЛКАНМЕДИА’ од Охрид, во соработка со ковид-центарот при Општата болница од Охрид и охридскиот Здравствен дом, со логистичка поддршка на Општина Охрид.

За спроведување на процесот беше ангажиран медицински тим кој мошне добро го организираше процесот на имунизација, за што беа ангажирани 40 медицински сестри и десет лекари од ЈЗУ Општа болница-Охрид и Центарот за јавно здравје од Охрид.

 

Фото: Архива

МИА


Доколку преземете содржина од оваа страница, во целост сте се согласиле со Услови за преземање.

1x1