ММС

Објавено на: 07/10/21 7:33 AM

За првпат фестивал посветен на традицијата и историјата на Преспа: Почнува „Преспаленд 2021“

Во Преспа денеска почнува првиот мултимедијален фестивал посветен на овој регион, на традицијата и историјата- PRESPALAND 2021.

Во јули, август и септември, во рамки на фестивалот ќе се одржуваат едукативни работилници, спортски активности, традиционални и вкусни локални приказни, музички настапи, а ќе има и многу сценски изведби, како и изложби.

– За овој период, во континуитет со 11 настани ќе посетиме 6 села, ќе поминеме 200 километри во природа и ќе разубавиме 11 локации – соопштија од тимот на PRESPALAND .

Со денешното отворање на мултимедијалниот фестивал се одбележува и првиот час по македонски јазик што се одржал во старото училиште „Димитар Влахов”, во село Љубојно.

На таа локација, од 18:00 часот денеска посетителите ќе имаат можност да ги вкусат традиционалните, преспански рецепти. На настанот ќе настапат музичката група Перија и виртуозот на канон и саз, Џенгиз Ибрахим, а посетителите ќе уживаат и во читателите на поезија- Елена Пренџова, Игор Трпчески-Трпе, Марија Грубор и Горазд Китаноски-Кени од Поетри слем Македонија.

Утре на плажата Сливница со почеток од 20:30 часот, свои концерти ќе имаат дуото Дац и Александар и македонскиот романтичар Владо Јаневски.

 

МИА


Доколку преземете содржина од оваа страница, во целост сте се согласиле со Услови за преземање.

1x1