ММС

Објавено на: 07/8/21 5:08 PM

Трето издание на „Тhe Park Festival“ во Гостивар, со четири вечери музика

Познати и реномирани изведувачи на популарна, рок ен рол и електронска музика ќе настапат на претстојното издание на Парк фестивал („Тhe Park Festival”) во Гостивар. Во четирите фестивалски вечери ќе има претставување на млади уметници со ликовни дела и перформанси.

Третото издание на фестивалот, кој лани претрпе извесни промени заради пандемијата, годинава се враќа на првичната концепција

– Минатата година имавме успешна едиција, иако се соочувавме со големи предизвици и ограничувања. Претендираме со концептот да бидеме интернационални, но поканивме и артисти од Македонија. Водевме сметка да бидат реномирани и со висок квалитет. Сметам дека тоа ниво е постигнато, со оглед дека постигнавме договори со значајни имиња, изјави за МИА Ертон Весели музички директор на фестивалот.

На The Park Festival оваа година ќе настапат на три различни сцени ќе настапат: актуелната ју тјуб ѕвезда милионски прегледи Дафина Зеќири, рок составот Елита 5, ска-панк бендот Суперхикс, Офкестра, гитаристот Астрит Стафаи со Ол Стар Бенд, Зани Бенд, Шкелзен Бафтјари, Бесарта Муртезани, Дуо Гитар, Нита Речи и Бенд, Јон Иди, Дина Јашари, Стонун Xеџ и уште неколку имиња од светот на електронската музика.

Сцените на кој ќе се одржуваат настапите е просторот во големиот градски парк, а во попланевните и вечерните часови на шеталиштето на кејот ќе се организраат дополнителни активности како дел од фестивалот. Како една од атрактициите за оваа година е доаѓање на голема група љубители на мотоцикли. Над двесте лленови на мото клуб од Европа ќе направи дефиле по градските улици со моќни машини од марката „Херлеј Дејвидсон” (Harley-Davidson)

– Тhe Park Festival 2021 и ова година продолжува со единствена желба и мисија, каде што, преку уметноста на музиката да ја сузбиеме вознемиреноста што ја доживеавме досега. Кај нас постои желба да овозможиме едно мало бегство од реалноста и да ја „нахраниме” душата со оригинални вредности пренесени преку уметноста на музиката. Тоа е всушност и главната цел на второто издание на The Park. вели Јетон Весели организацискиот директор на фестивалот во разговорот со допинсникот на МИА од Гостивар.

 

МИА


Доколку преземете содржина од оваа страница, во целост сте се согласиле со Услови за преземање.

1x1