ММС

Објавено на: 07/5/21 11:47 AM

Мозокот ќе биде во „форма“: Невролог објасни како редовното читање книги влијае врз нашето здравје

Неврологот Илен Рухој вели дека читањето е поважно отколку што повеќето мислат, а благотворно делува на нашиот ум, дух и тело.

Освен што не’ забавува, читањето претставува „велнес“ за нашето ментално здравје – изјави Рухој.

Читањето ја подобрува визуелната обработка на податоците

Визуелната обработка е израз за прифаќање и разбирање на светот кој го гледаме околу себе, а центарот кон управува со неа се наоѓа во задниот дел од мозокот, додека студиите покажуваат дека овој дел е многу поразвиен кај луѓето кои значително време поминуваат во читање.

Додека читаме и учиме нови работи, во мозокот се стимулираат памтењето и размислувањето, вели д-р Рудој. Кај оние кои редовно со читање го „предизвикуваат“ мозокот е забележано и поспоро нарушување на памтењето.

Читањето е добар начин за одржување на формата на мозокот, што е важно за сите возрасни групи, смета докторката.

Го намалува стресот

Многумина во денешното време се борат со хроничен стрес кој лошо влијае и на умот и на телото. Едно истражување пак, покажува дека читањето го намалува стресот дури до 68 проценти, што статистички е повлијателно од слушањето музика.

Помага во поврзувањето на невроните

Сите неврони меѓусебно комуницираат, а студиите покажуваат дека читањето ја зголемува нивната поврзаност во левиот темпорален лобус.

Невроните во тој дел од мозокот се одговорни за когнитивниот процес, појаснува д-р Рухој.

Унапредување на социјалните вештини и емпатијата

Студиите покажуваат дека читањето книги влијае на нашата емпатија, а според некои истражувања, разбирањето на разните ментални состојби на ликовите од книгите всушност влијае на нашите социјални вештини и односи, објасни докторката за Mind Body Green.

Фото:  Илустрација / Designed by Freepik

Извор:     vecernji.hr


Доколку преземете содржина од оваа страница, во целост сте се согласиле со Услови за преземање.

1x1