ММС

Објавено на: 06/10/21 8:22 AM

Премиерот Заев на Самитот на земјите од Западен Балкан во Тирана

Претседателот на Владата Зоран Заев денеска ќе оствари еднодневна работна посета на Албанија, соопштија од владината прес-служба.

Тој ќе учествува на Самитот на земјите од Западен Балкан, со кој ќе претседава албанскиот премиер Еди Рама, а ќе учествуваат еврокомесарот за проширување и добрососедство, Оливер Вархеји, претседателот на Црна Гора, Мило Ѓукановиќ, како и премиерите на Косово Албин Курти, на Србија Ана Брнабиќ и на Босна и Херцеговина, Зоран Тегелтија.

Заев и Рама на маргините на Самитот ќе го потпишат Договорот за воспоставување заеднички гранични и царински контроли на граничните премини меѓу Република Албанија и Република Северна Македонија.

Како што се наведува во соопштението, премиерот Заев попладнето свечено ќе го отвори Културниот центар на Република Северна Македонија во Тирана


Доколку преземете содржина од оваа страница, во целост сте се согласиле со Услови за преземање.