ММС

Објавено на: 06/9/21 9:40 AM

Приведени девет странски државјанки кои ги забавувале гостите во угостителски објект во Тетово

Полициски службеници на СВР Тетово во координација со Отсекот за прекуграничен криминал, миграции, странци и реадмисија Тетово и Државниот пазарен инспекторат, вчеравечер (8 јуни) од 23 часот и 35 минути  до 50 минути по полноќ спровеле акциска контрола во угостителски објект на улица „Коле Неделковски“ во Тетово, известуваат од МВР.

При контролата, во објектот биле затекнати 11 женски лица кои ги забавувале присутните гости. Девет од затекнатите женски лица биле странски државјанки, од Србија, Украина, Албанија, Молдавија, Литванија, Бугарија и Русија, на различна возраст од 20 до 34 години.Тие се лишени од слобода заедно со 24-годишен вработен во објектот и две женски лица од нашата земја.

Објектот е времено затворен од Државниот пазарен инспекторат. Се преземаат мерки за расчистување и документирање на случајот и ќе следуваат соодветни поднесоци.

 


Доколку преземете содржина од оваа страница, во целост сте се согласиле со Услови за преземање.