ММС

Објавено на: 06/1/21 8:57 AM

Откако потроши една милијарда евра за пет години, Гвардиола сега продава осуммина фудбалери за да купи двајца од 200 милиони евра

 

Европскиот првак Челзи одлучи да се засили и да го направи најсилниот тим на светот, додека поразениот во финалето на Лигата на шампионите, Манчестер Сити сака да направи драстични промени во тимот и да продаде голем број на фудбалери.

Пеп Гвардиола поради поразот во финалето побесне и одлучи да го искасапи тимот па дури осуммина фудбалери ги стави на трансфер-листата.

Шпанскиот стратег ќе ги слуша понудите за дури четворица кои играа во финалето – Рахим Стерлинг, Ријад Марез, Бернардо Силва и Габриел Жесус, додека од оние кои не играа, Гвардиола не смета на Бенџаман Менди, Емерик Лапорт, а сака да се одрече Жоао Кансело и Родри.

Сите тие би можеле да го напуштат „Етихад“ ова лето, но причините се различни. Жесус и Лапорт не се задоволни од минутажата, кај Стерлинг и Марез истекуваат договорите и тие не сакаат да ги продолжат, продажбата на Силва ќе донесе пари, а Менди едноставно нема квалитет за Сити.

На тимот му се потребни пари за да донесе нови фудбалери. Гвардиола се „запали“ за Хари Кејн кој додуша е баран и од богатиот Челзи, додека подолго време се интересира и за Џек Грилиш од Астон Вила, но домашните фудбалери чинат многу.

Претпоставка е дека Сити само за нив ќе мора да издвои повеќе од 200 милиони евра.

Откако е во Сити, Гвардиола за пет сезони потроши 924 милиони евра на купување нови фудбалери.

Извор и фото: Mondo.rs


Доколку преземете содржина од оваа страница, во целост сте се согласиле со Услови за преземање.