ММС

Објавено на: 04/26/21 6:21 PM

Ерик Баји останува „црвен ѓавол“ до 2024 година

Централниот дефанзивец на Манчестер Јунајтед, чиј договор со „црвените ѓаволи“ истекуваше следното лето, ја продолжи верноста со полуфиналистот во Европа Лига до 2024 година.

Дваесет и седумгодишниот репрезентативец на Брегот на Слоновата коска, ќе има опција и по 2024 година да го продолжи договорот со Јунајтед, а како што пренесува „Sky Sports“, поранешниот играч на Виљареал стравувал дека клубот од „црвениот“ дел на Манчестер нема намера да го задржи во своите редови и ваквите вести за него биле позитивни и изненадувачки.

-Многу сум среќен. Не мислев двапати донесувајќи ја оваа одлука. Го сакам овој клуб и сакам да играм за Манчестер Јунајтед. Јас сум среќен, моето семејство исто така, одлично е. Сега откако ја надминав повредата и заздравев, се чувствувам добро и фит и тоа е тоа. Новиот договор за мене претставува нов предизвик и подготвен сум за него, изјави Баји за клупскиот веб-сајт.

Одбранебниот фудбалер пристигна на „Олд Трафорд“ во 2016 година и сезонава ја надмина бројката од 100 настапи во дресот на славниот англиски клуб.

 

 

 

Фото:

Twitter / @Sporf


Доколку преземете содржина од оваа страница, во целост сте се согласиле со Услови за преземање.