ММС

Објавено на: 04/26/21 2:47 PM

Починаа 37 лица, нови 86 случаи со Ковид- 19, информираат од Министерството за здравство

Министерството за здравство ги објави резултатите од денешниот Ковид- билтен за новозаразен, оздравени и починати лица.  Според МЗ во последните 24 часа се направени 808 тестирања, а регистрирани се 86 нови случаи на Ковид 19 и тоиа во: Скопје –58, Куманово – 6, Прилеп – 5, Тетово и Штип – по 3, Гостивар, Кичево и Гевгелија – по 2, Кавадарци, Струмица, Неготино, Свети Николе и Крушево – по 1, додека согласно податоците на Институтот за јавно здравје регистрирани се 856 оздравени пациенти.

Според денешниот здравствен извештај пријавени се вкупно 37 починати лица, од кои најмладиот е на 48 години, додека најстариот починат пациент е на 91 година, од Скопје и Битола.

Во Скопје се починати вкупно 11 лица (48г, 61г , 61, 65г, 69г, 74г, 76г, 77г, 80г, 83г и 90г), 5 лица од Охрид(55г, 64г, 66г, 72г и 85г), по  четири лица од Битола (67г, 77г, 89г и 91г) и Кавадарци (71г, 73г, 76г и 78г), по три лица од Куманово (65г, 76г и 84г) и Тетово(73г, 76г и 80г), од Прилеп две лица (53г и 54г) и по едно починато лице од Велес (61г), Струмица (64г), Струга (60г), Делчево (69г), и Валандово(71г). Од починатите пациенти, 4 лица се починати во домашни услови, а 33 се починати во болнички услови.

Направени се 808 тестови преку: ИЈЗ-90, ЦЈЗ Скопје-24, ЦЈЗ Битола-0, Клиника за инфективни болести и фебрилни состојби – 0, Судска медицина – 0, лабораторија болница Козле – 0, УК Пулмологија со алергологија – 0, ГОБ 8-ми Септември – 0, Институт за микробиологија – 0, МАНУ – 49, Жан Митрев (Филип Втори) – 124, Авицена -0, Биотек – 108, Систина – 163, лабораторија Лаор – 0, Синлаб – 0, Ремедика – 0, Плодност – 0, Генеа – 0, ЈЗУ и ПЗУ (рапид тест) – вкупно 250.

Досега во земјата се направени вкупно 710.265 тестирања на Ковид-19.

Вкупната бројка на Ковид-дијагностицирани лица во нашата земја од почетокот на епидемијата изнесува 150.672, бројката на оздравени пациенти е 129.909, на починати е 4.714, а бројот на активни случаи изнесува 16.049.

Моника П. Насковска


Доколку преземете содржина од оваа страница, во целост сте се согласиле со Услови за преземање.