ММС

Објавено на: 04/22/21 12:05 PM

Фатиме Фетаи е избрана за јавен обвинител во Вишото јавно обвинителство во Скопје

Поранешната специјална обвинителка, Фатиме Фетаи, избрана е за јавен обвинител во Вишото јавно обвинителство во Скопје. Советот на јавни обвинители денес гласаше за пет обвинители кои ќе работат во ова судско тело, а Фетаи со девет гласови „за“ ја доби довербата од своите колеги.

Покрај Фетаи, имињата на обвинителите Наум Пановски, Сашо Рајчев, Бурим Рустеми и Снежана Бундалевска-Георгиевска, се најдоа на листата за Вишото јавно обвинителство.

Сите кандидати, според претседателот на Советот на јавни обвинители, Ацо Колевски, добиле речиси високи оценки што значи дека квалитетот и стручноста се во преден план при нивниот избор.

-Сите кандидати речиси добиле високи оценки, податок кој радува. Што значи дека за повисокото јавно обвинителство аплицираат кандидати коишто се стручни и квалитетни и се докажале во досегашното работење. Ние имавме увид во нивната работа преку месечни и годишни извештаи и го цениме нивното искуство, рече Колевски.

Колевски им посака среќа на избраните јавни обвинители на новата функција.

д.ј


Доколку преземете содржина од оваа страница, во целост сте се согласиле со Услови за преземање.