ММС

Објавено на: 04/19/21 10:37 AM

Тотенхем го отпушти Жозе Мурињо

Вестите од фудбалскиот свет во последните 24 часа се нижат како на лента, а последната која ги шокираше љубителите на фудбалот доаѓа од Англија, Лондон.

Според новинарот на „Телеграф“, Џон Перси, Тотенхем утрово му врачил отказ на португалскиот стратег на нивната клупа, Жозе Мурињо. Позицијата во Премиер Лигата, лошата форма, нарушениот однос со своите играчи и испаѓањето од Европа Лига од загрепски Динамо, биле причина за ваквиот потег на Даниел Леви.

На последниот натпревар, екипата на Мурињо на „Гудисон Парк“ ремизираше 2:2 со Евертон, а интересно е што челниците на Тотенхем се решиле на овој чекор пред финалето од Лига Купот против Манчестер Сити претстојниот викенд.

На кормилото на екипата од северен Лондон привремено ќе застане поранешниот фудбалер на истоимениот клуб, дваесет и деветгодишниот Рајан Мејсон.

 


Доколку преземете содржина од оваа страница, во целост сте се согласиле со Услови за преземање.