ММС

Објавено на: 04/15/21 8:50 PM

Кремљ со реакција за можните нови санкции од САД: Ќе го примениме принципот на реципроцитет

Портпаролот на Кремљ, Дмитриј Песков, реагирајќи на можните нови санкции на Соединетите Американски Држави (САД) против Русија, рече дека Русија ги осудува таквите аспирации за санкции и ги смета за незаконски, јавува Агенција Анадолија (АА).

„Ги осудуваме таквите желби за санкции, ги сметаме за незаконски и ќе го применуваме принципот на реципроцитет, со цел да ги заштитиме нашите сопствени интереси на најдобар начин“.

Во изјавата за медиумите во главниот град Москва, Песков ги оцени тврдењата дека американската администрација ќе протера некои руски дипломати и ќе воведе санкции кои ќе влијаат на јавниот долг на Русија.

Во однос на тврдењата, Песков рече: „Не може да има чад ако нема оган“, и додаде: „Најверојатно, има некои протекувања во американските весници. Но, ќе почекаме Вашингтон да ја објави својата официјална одлука.“

Наведувајќи дека можните санкции нема да придонесат за состанокот што се планира да се одржи меѓу американскиот претседател Џо Бајден и рускиот претседател Владимир Путин, Песков рече:

„Факт е дека во никој случај можните санкции за кои се дискутира нема да придонесат за состанокот. Ги осудуваме таквите желби за санкции, ги сметаме за незаконски и ќе го применуваме принципот на реципроцитет, со цел да ги заштитиме нашите сопствени интереси на најдобар начин.“

Коментирајќи го тоа што САД се откажаа од праќањето воени бродови во Црното Море, Песков рече:

„Во моментов ситуацијата е многу напната. Како што знаете, воената опрема и на НАТО и на САД беше пренесена директно на нашите граници во рамките на разни вежби. Трансферот на дополнителна воена опрема дополнително ќе ја влоши ситуацијата. Прерано е да се коментира дека тензиите се намалија како резултат на одлуката на САД да не испраќаат бродови.“


Доколку преземете содржина од оваа страница, во целост сте се согласиле со Услови за преземање.