ММС

Објавено на: 04/4/21 7:35 PM

Партијата на Бојко Борисов води на изборите, се чекаат официјални резултати

Конзервативната партија Граѓани за европски развој на Бугарија (ГЕРБ) која ја превод води премиерот Бојко Борисов води на денешните парламентарни избори со околу 25 проценти од гласовите, според првите проценки на излезните анкети по затворањето на избирачките места.

Според тие проценки, новата популистичка формација на телевизискиот водител Слави Трифонов, позната по жестоките критики кон владата, е втора заедно со социјалистите со 15 до 17 проценти од гласовите.

Одзивот на гласачите до 17 часот беше околу 40 проценти.

Денес во Бугарија се одржаа парламентарни избори по повеќемесечни масовни протести за корупција, замрзнати реформи и економска стагнација во најсиромашната членка на Европската унија.

Според претходните анкети на јавното мислење, партијата на Бојко Борисов е далеку од освојување на апсолутно мнозинство и можност самостојно да формира влада.

Околу 12.000 избирачки места беа отворени во 7 часот наутро, а 6,7 милиони луѓе имаа право на глас до 20 часот вечерва, додека други 465 избирачки места ќе бидат отворени во 66 други земји.

Повеќе од 3.400 набудувачи го следеа процесот на гласање, а работниците од пет социолошки агенции работат на подготовка на излезни анкети.

Конечните резултати нема да бидат познати пред четврток.

Преземено од: https://nova.rs/
Фотографија: :EPA-EFE/GOVERNMENT PRESS OFFICE


Доколку преземете содржина од оваа страница, во целост сте се согласиле со Услови за преземање.

1x1