Тутунари од струмичко бараат итност за измените на законот за тутун и да се откупи вишокот - ММС
ММС
Банер за Супер7

Објавено на: 03/4/21 12:54 PM

Тутунари од струмичко бараат итност за измените на законот за тутун и да се откупи вишокот

Тутунарите од струмичко сè уште чекаат одговор дали ќе бидат донесени измените на законот за тутун и продолжен откупот, со оглед дека илјадници килограми тутун стојат неоткупени во овој дел на државата. Претежно станува збор за производители кои имат вишок од договорените количини и до 28 февруари не успеале да го предадат. Али Кадриев вели дека има околу еден тон неоткупен тутун и не знае што да прави бидејки веќе бил пакуван.

-Еве го препакуваме оти не знаеме што да правиме. Треба откупот да продолжи до 31 март и да се преземе целиот вишок. Ние овде живееме од тутунот, а за некој ден треба да почнеме да ги садиме леите со расад. Четириесет кутии ми стои пакуван, а уште толку имам и на таванот, вели Али Кадриев од населеното место Градашорци.

Тутунарите бараат од МЗШВ модел да биде преземен сиот вишок. Бараат откупот да продолжи до 31 март и откупните компании да излезат во пресрет бидејки одгледувањето и производство на суров тутун им е единствен извор на егзистенцијаТие ги повикаа пратениците веднаш да ги донесат измените на законот

Од Министерството за земјоделство велат дека се прават напори да се продолжи откупот. Се чекаат измените на законот. Паралелно се преговара со турски компании за да се откупат околу 1500 тони вишок тутун.

 

 

 

В. Трајков


Доколку преземете содржина од оваа страница, во целост сте се согласиле со Услови за преземање.

Банер за Супер7