ММС

Објавено на: 02/26/21 10:28 PM

Состојбата на колегата Јота е стабилна во моментов, има сериозна повреда, изјави Филипче

Состојбата на колегата Ѓорѓи Јота кој беше силно удрен од автомобил е стабилна во моментов. Попладнево бев на увид и поразговарав со докторите кои будно ја следат неговата состојба. Верувам дека ќе се избори и ќе закрепне иако повредата е многу сериозна, соопшти вечерва на својот фејсбук-профил министерот за здравство Венко Филипче.

Министерот денеска на прес-конференција одговарајќи на новинарски прашања рече дека хирургот Јота има тешка повреда на главата од вчерашниот удар од возило што го управувал малолетник пред Клиничкиот центар во Скопје.

– Колегата доктор Јота има тешка повреда на главата и се наоѓа во одделот за интензивно лекување на ТОАРИЛУЦ. Има нагмечување на мозокот и на белите дробови, поставен е на респираторна машина и сега се преземаат сите мерки на интензивно лекување, изјави Филипче на прес-конференцијата.

Во денешниот билтен на МВР беше соопштено дека синоќа околу 20.30 часот на крстосница од бул.„Мајка Тереза” и ул.„Елисие Поповски-Марко” пешакот Ѓ.Ј.(58) од Скопје се здобил со тешки повреди  откако во него удрило патничко возило „БМВ ХБ”, со скопски регистарски ознаки, управувано од 16-годишник од Сингелиќ.


Доколку преземете содржина од оваа страница, во целост сте се согласиле со Услови за преземање.