ММС

Објавено на: 02/23/21 6:28 PM

Отворенa Лабораторија за развој на иновативни производи на Технолошко – техничкиот факултет во Велес, во неа три нови апарати

Три нови апарати доби лабораторијата на Технолошко-техничкиот факултет во Велес. Со нив ќе се мерат протеини, за автоматизирана анализа на масти и инструмент за определување на активитетот на водата за определување на рокот на траење на производите. Анализите ќе ги работат студенти, магистранти но и докторанти. Студентите тоа ќе го прават и за потребите на прехранбенитефирми од вардарски регион што ќе појават интерес. Иновативниот дел се состои во тоа што за потребите од магистерски и докторантски трудови, факултет ќе им ја стави на располагање комплетната лабораторија. Новите апарати се купени со финансиска поддршка од над два милиони денари Агенција за развој и соработка во Северна Македонија, преку Министерството за локална самоуправа.

-Опремата може да ја користи и приватниот сектор во прехранбената индустрија во регионот за истражувачки дејности, за иновации и така натаму. Ова е еден вид на јавно приватно партнерство што ние секогаш го поддржуваме и поттикнуваме, рече Сибил Сутер, Амбасадорка на Швајцарија.

-Ќе му служи на приватниот сектор но и на образованието. Правиме спој помеѓу образование и претприемништво каде ги оспособуваме студентите со практична настава или тоа што е неопходно при нивната работа во приватниот сектор да бидат обучени. Лабораторијата ќе можат да ја користат над 260 студенти и да работат за потребите на приватните фирми или по нивното дипломирање фирмите да добијат обучена работна сила, рече Горан Милевски министер за локална самоуправа.

Во прехранбено-технолошкиот центар можат да се добијат и стручни совети за поттикнување на иновативните производи особено во прехранбениот сектор, лабораториски анализи на суровини и прехранбени производи, стручна помош при подготовка на проектни апликации, совети од секојдневната пракса при имплементација на иновативната технологија.

-Воспоставувањето на Прехранбено-технолошкиот центар ќе резултира со зголемена понуда на нови прехранбени производи со посебни нутритивни и функционални карактеристики, произведени според барањата на современиот потрошувач, кои ќе придонесат за зголемување на конкурентноста на компаниите на домашниот и странскиот пазарот, рече деканката на факултетот, Татјана Калевска.

Овој проект беше издвоен како приоритетен на форумите организирани од центарот за  развој Вардарски плански регион за 2020 година.

 

 

 

 

Стефани Манева  


Доколку преземете содржина од оваа страница, во целост сте се согласиле со Услови за преземање.