ММС

Објавено на: 02/23/21 12:22 PM

Заев го злоупотреби случајот Монструм за добивање политички поени: Се огласија од ВМРО-ДМНЕ по денешната пресуда

Опозициската ВМРО-ДПМНЕ денеска преку писмено соопштение се огласи во врска со предметот Монструм.

Заев со години ги лажеше родителите на убиените деца и нивните роднини дека има друга вистина за Монструм и дека други се убијците. Денеска судот ги потврди казните, а друга вистина не е утврдена. Заев лажеше и манипулираше со чувствата на роднините на убиените, но и на целата нација, реагираат од ВМРО-ДПМНЕ.

Партијата го обвини премиерот дека ја злоупотребил оваа трагедија за добивање политички поени.

„Заев лажеше дека поседува докази, докази немаше. Заев лажеше и наведуваше цела јавност лаги и невистини. Заев мора да сноси одговорност. Доколку има грам морал ќе си даде оставка веднаш“, порачуваат од ВМРО-ДПМНЕ.

 


Доколку преземете содржина од оваа страница, во целост сте се согласиле со Услови за преземање.