ММС

Објавено на: 02/19/21 7:50 PM

Виктор Петков 36-ти во велеслалом на Светското првенство во скијање

Виктор Петков, македонскиот репрезентативец  по трките во финалeто во велеслалом на Светското првенство во Кортина Д’Ампецо, го освои 36 тото место.

Петков (21) кому ова му е трет настап на светските првенства успеа да се пласира во втората трка на велеслаломот, откако првата трка ја извози за време од 1:30.27 со што го освои 51. место. Тој доцнеше 12.72 секунди првопласираниот французинот Алексис Пантуро. Во втората трка извозе со време1:31.02 со што во вкупниот пласман од сто натпреварувачи го зазеде 36 место и вкупно време 3:01.32. Со овој резултат, годинава тој е најдобро пласираниот македонски натпреварувач и чекори кон освојувањето на олимписката норма и настап на зимските олимписки игри во Кина.

Виктор утре ќе вози во квалификациската трка во слалом заедно со уште тројца македонски скијачи. За влез во финалето ќе скијаат: Дардан Дехари Влатко Анастасоски и Мирко Лазарески.

(З.Г.М.)


Доколку преземете содржина од оваа страница, во целост сте се согласиле со Услови за преземање.