ММС

Објавено на: 02/19/21 2:59 PM

Револтирани сме од игнорирањето на надлежните: Просветните работници утре ќе протестираат пред МОН

Независниот синдикат на образование и наука утре ќе протестира пред ресорното министерство. Просветните работници најавија дека протестот ќе почне во 13 часот , а причината за ваквиот настан пред зградата на МОН е како што велат тие, игнорантскиот однос на надлежните.

Ние до надлежните имаме барања кои се засновани на законските одредби во државата и сакајќи да бидеме сослушани нашите барања ќе ги изнесеме во форма на протест – најавија денеска од Синдикатот.

Барањата на НСОН во име на просветните работници се следниве:

Почитување на ставот на Друштвата на наставници во врска со најавената Концепција за реформи во основното образование ;

Исплата на плата за просветните работници во согласност со Колективниот договор ;

Исплата на платите согласно со Закон и Колективен договор, најдоцна до 10-ти во месецот ;

Исплата на додаток на плата за наставниците кои работат со двојно зголемен фонд на часови ;

Исплата на регрес за годишен одмор од кој просветните работници моментално се изземени ;

Организиран превоз, месечна карта за јавен превоз или месечен надоместок за патни трошоци за просветните работници кои патуваат на работа во рурални средини или од една во друга општина;

Трансформација на работниот однос на просветните работници кои во континуитет се вработени две или повеќе години.


Доколку преземете содржина од оваа страница, во целост сте се согласиле со Услови за преземање.