ММС

Објавено на: 02/19/21 2:10 PM

„Кога објавив со што се занимавам, полудеа сите“ – Таа е најубавата од сите возачи на автобуси

Џоди Лиг Фокс (24) вози автобус во Велика Британија и ги руши стереотипите што ја направија хит на социјалните мрежи.

Со оваа работа таа започнала пред три години и вели дека патниците редовно и велат дека е „премногу убава за таа работа“, пренесува „Индекс.хр“.

– Кога мажите влегуваат во автобус, секогаш ја имам истата реакција, што е главно: „Ти си толку убава“ или „Никогаш во животот не сум видел толку убав возач на автобус“. Луѓето исто така велат дека сум премногу убава за оваа работа, но добивам коментари и од  жени кои редовно ги фалат моите нокти, фризура или шминка – вели Џоди.

Кога започнала да споделува видеа за нејзината работа на „ТикТок“, привлекла голем број следбеници. Сепак, нејзиниот ТикТок во моментов е деактивиран.

– И претходно имам објавено снимки, но не во работна униформа. Само кога објавив дека сум возач на автобус, луѓето полудеа – изјви оваа Британка која порано работела како негувателка.

И покрај нејзината популарност на социјалните мрежи, Џоди вели дека не планира да ја напушти работата и дека ќе вози автобуси до пензија.

 

Извор: Блиц.рс

Фото: Инстаграм


Доколку преземете содржина од оваа страница, во целост сте се согласиле со Услови за преземање.