ММС

Објавено на: 02/18/21 8:19 AM

Претпладне облачно, попладне разведрување и максимални 13 степени

Времето денеска претпладне ќе биде претежно облачно. На североистокот од земјата ќе има зголемена облачност и услови за појава на слаб снег, кој понекаде ќе преминува во слаб дожд. Ќе дува слаб до умерен северозападен ветер кој долж Повардарието краткотрајно ќе засилува.

Попладне облачноста ќе се намали. Максималната температура ќе достигне од 6 до 13 степени.
Во Скопје претпладне малку до умерено облачно, а попладне сончево со мала облачност. Ќе дува слаб северен ветер. Максималната температура ќе достигне до 10 степени.

Минималните температури измерени утрово се движеа од -8 во Битола, -6 во Прилеп, -5 на Попова Шапка, -4 во Тетово, Д. Капија и Петровец, -3 во Штип, -2 во Струмица, Крушево, Куманово, Скопје, Виница, Берово и Маврово, -1 во Охрид, Претор и Крива Паланка до 2 степени во Гевгелија.

Висината на снежната покривка во 7 часот изнесуваше 38 сантиметри на Попова Шапка, 22 во Тополчани и Крушево, 21 во Маврови Анови, 20 во Битола, 17 во Пожаране, 16 во Штип и Ѓуриште, 14 во Лазарополе и Претор, 11 во Демир Капија, 8 во Берово и Крива Паланка, 6 во Прилеп, 5 во Охрид, 2 во Виница и 1 сантиметар во Струмица.


Доколку преземете содржина од оваа страница, во целост сте се согласиле со Услови за преземање.