ММС

Објавено на: 02/17/21 8:12 AM

Утрово во Битола -22, во Берово -20, во Тетово -14, во Штип -13, во Скопје -7…

Најстудено утринава во 7 часот е во Битола и во Берово каде што се измерени минус 22, односно минус 20 степени целзиусови.

Следуваат Прилеп со -15, Тетово -14, во Штип и во скопски Петровец -13, а во Скопје се измерени минус седум степени. „Најтопло”, според УХМР, утрово е во Гевгелија и во Дојран со минус четири степени.

УХМР информира дека на Попова Шапка има снежна покривка од 38 сантиметри, во Маврово 28, а во Крушево 25.

Времето денеска ќе биде сончево со мала до умерена облачност и со слаб северозападен ветер. Попладне облачноста ќе се зголеми и во вечерните и ноќните часови ќе има повремен слаб снег, претежно во североисточните делови. Максималната температура ќе достигне од -2 до 6, а во делови од Пелагонија околу -7 степени.

Во Скопје сончево со мала до умерена, а попладне и во вечерните часови значителна облачност. Максималната температура ќе достигне до еден степен


Доколку преземете содржина од оваа страница, во целост сте се согласиле со Услови за преземање.

1x1