ММС

Објавено на: 02/15/21 8:03 PM

Oд една во друга Борусија: Марко Розе од следната сезона ќе го предводи Дортмунд

Тренерот на Борусија Менхенгладбах, Марко Розе, им соопштил на раководството на германскиот клуб дека на лето ќе ја промени средината и ќе се пресели во Борусија Дортмунд.

По отпуштањето на Фавре, жолто-црните не пронајдоа негова перманентна замена, а привремената функција ја извршува хрватскиот стратег Един Терзиќ. После повеќенеделни преговори, Розе донел одлука за преземање на поранешниот првак во Бундеслигата, иако 44-годишниот менаџер роден во Лајпциг има уште една година до истек на актуелниот договор со 1/8 финалистот во кампањата 2020/21 во Лигата на Шампионите.

-За жал ваква одлука падна после недели и недели преговарање. И покрај тоа, Розе заедно со Гладбах ќе се обиде да ги оствари нашите цели сезонава, изјави спортскиот директор на Менхенгладбах, Мак Еберл.

Розе и Менхенгладбах по 21 одиграно коло се наоѓаат на седмата позиција на табелата и се на само шест поени оддалечени од позициите кои водат во Лигата на Шампионите. Во ова натпреварување германскиот претставник ќе има пеколно тешка задача против англиски Манчестер Сити.


Доколку преземете содржина од оваа страница, во целост сте се согласиле со Услови за преземање.