ММС

Објавено на: 02/13/21 12:55 PM

Приведени тројца беровци за палење на возило „пасат“

На паркинг простор во Берово вчера, во два часот по поплноќ беше запалено возило, по што денесја ОВР Берово приведе тројца, осомничени за палење на возилото. По раговорите, утврдено е дека сторител на делото е С.П. од Берово, соопшти СВР Штип.

-Полициски службеници од ОВР Берово ги лишија од слобода О.Д., Б.К. и С.П., сите од Берово, во врска со опожареното патничко возило „пасат“, сопственост на Г.Р. од Берово, на паркинг простор на ул.„Младински кеј” во Берово, пријавено на 12.02.2021 околу 02.00 часот во Полициската станица Берово. По извршениот увид од страна на полициски службеници на ОВР Берово и инспектори од СВР Штип, во координација со Јавен обвинител и со наредба од Судија за претходна постапка, извршени се претреси во домовите на трите приведени лица и разговори со нив, при што појасниле дека извршител на кривичното дело е С.П. од Берово. Во консултација со Јавен обвинител од ОЈО Кочани, против С.П. ќе биде изготвена кривична пријава по член 292 од Кривичниот законик за „тешки дела против општата сигурност“ и ќе му биде одредена мерка притвор, стои во соопштението од СВР Штип.


Доколку преземете содржина од оваа страница, во целост сте се согласиле со Услови за преземање.