ММС

Објавено на: 02/11/21 6:44 PM

Битолските ракометари вторпат за два дена ја совладаа унгарска „Татабања“

Ракометарите на „Еурофарм Пелистер“ вторпат за два дена ја совладаа унгарска „Татабања“ во двомечот во Битола од Европската ракометна лига. Денес битолчани победија со 24-21 (9-11).

До победата ракометарите од Битола стигнаа многу тешко. На почетокот на мечот „Татабања“ поведе со 5-1, а битолчани вториот гол го дадоа дури во 13’. На полувреме Унгарците заминаа со предност од 11-9.

Првото изедначување на мечот битолчани го имаа во 39’, а првото водство дури во 52’. Успеаја да го задржат до крајот на натпреварот. Со двете победи против „Татабања“, битолчани заначително ја подобруваат позицијата на табелата во Д-групата на Лигата.


Доколку преземете содржина од оваа страница, во целост сте се согласиле со Услови за преземање.